Dumenicu Carlotti

Description

Dopu avè ci fattu i so studii, sarà prufessore di teulugia à u Seminariu di Chartres. Vultatusine in Corsica, compia a Prima Guerra mundiale, prete Carlotti hè incaricatu di a parochja di I Muraccioli. Imprimuratusi di u rinnovu culturale di l’isula, mentre u periudu di u trà duie guerre, ne diventa un attore maiò. S’impegna dinù in pulitica, militendu in u Partitu Corsu per l’Autunumia. Cullaburatore strettu di a Muvra, hè u fundatore di e « merendelle » duv’elli s’addunianu i scrittori di spressione corsa è crea una rivista « L’Altagna » (1925-1926). Si dà à u studiu di a lingua, publicheghja un lessicu (« Lessicu cumparativu corsu-italo-francese », 1924) è una grammatical (« Manualettu di a parlata corsa », 1925). E so puesie, in a racolta    « Pampane corse » (1926), palesanu una scrittura lirica à le volte, di una sensibulità ricca, spessu malinconica chì si face ancu patriottica. A so opera in prosa hè forse quella cunnisciuta di più, cù i so « Raconti è fole di l’Isula persa » (1924). Issu libru, ch’ellu mudificheghja l’autore da un’edizione à l’altra, accoglie fole è stalvatoghji, ma dinù testi chì s’avvicinanu à nuvelle chì anu a Corsica di l’epica cum’è sughjetti. Puru s’ellu dice ch’ellu trascrive literatura à bocca, ùn si pò micca nigà u travagliu literariu di Appinzapalu. Oghje sempre, l’ombra di e so scelte irredentiste si stende nant’à a so opera literaria.

 

Riferenze bibliugrafiche :

Pampane corse, Bastia, Piaggi, 1926.

Raconti è fole di l’Isula persa, [1924, 1934] Aiacciu, C.R.D.P., coll. L’Ammaniti, 1997.

U Rè di Corsica, puema allegoricu, Aiacciu, Stamparia di a Muvra, 1929.

Auteur

Petru Santu Menozzi

Date

(U Petrosu, 1877 – 1948)

Licence

Licence Creative Commons
Cette œuvre est mise à disposition selon les termes de la Licence Creative Commons Attribution - Pas d'Utilisation Commerciale - Pas de Modification 4.0 International, à la condition expresse de citer l’institution de conservation et l'identifiant de la ressource comme suit : « Médiathèque Culturelle de la Corse, [identifiant de la ressource] ».

Citer ce document

Petru Santu Menozzi, “Dumenicu Carlotti”, Médiathèque Culturelle de la Corse et des Corses, consulté le 24 septembre 2021, https://m3c.univ-corse.fr/items/show/769.

Partager