Gian Paolo Borghetti

Description

Ancu s’è e so attività pulitiche anu pigliatu spessu u passu nant’à a so opera literaria, Gian Paolo Borghetti fù puru unu di i più grandi pueti corsi di spressione taliana. In u 1848, scrive un innu à Lamartine, in l’onore di l’avvenimentu di a Seconda Republica. U Risorgimento talianu fù dinù unu di i so temi di predilezzioni incù puemi dedicati à Vittoriu Emmanuele II è ancu à Garibaldi. A matina di u 21 dicembre di u 1862, l’« eroe di i dui mondi », firmatu da u timpurale in u portu di Bastia, tense ancu à ringrazià u pueta.

Tra i so più belli scritti, ci hè senza dubbitu u puema Pasquale Paoli, longu di quatordeci canti, scrittu à u mese di maghju 1869 per cummemurà u centenariu di a battaglia di Ponte Novu.

In u 1894, Borghetti perde u postu di direttore di a salute publica di Bastia ch’ellu occupava dapoi 1878. Marcatu da una fine di vita povera è straziata, morse ancu sminticatu da tutti.

 

Riferenze bibliugrafiche :

Il Poeta esule italiano, Bastia, Fabiani,‎ 1847.

A Lamartine, Canto lirico di G. P. Borghetti, Bastia, Leonetti,‎ 1848.

A Sua Maestà Vittorio Emmanuele II, re di Sardegna, ec. ec., ode di G. P. Borghetti, Bastia, Fabiani,‎ 1859.

In Occasione dei sponsali del signor Filippo Marchetti colla signora Felicina Fernandi, ode di G. P. Borghetti, Bastia, Fabiani,‎ 1873.

Giuseppe Garibaldi. Episodio della guerra per l’indipendenza italiana, Livorno, Raffaello Giusti, coll. « Edizioni de Il Giornale di politica e di letteratura »,‎ 1927.

Pasquale Paoli. Episodio dell’ultima guerra dell’-indipendenza corsa, poemetto di Gian Paolo Borghetti, con prefazione e note di Francesco Guerri, Livorno, Chiappini, coll. « Corsica antica e moderna »,‎ 1938.

Auteur

Ange-Toussaint Pietrera

Date

(Talasani, 1816 – Bastia, 1897)

Licence

Licence Creative Commons
Cette œuvre est mise à disposition selon les termes de la Licence Creative Commons Attribution - Pas d'Utilisation Commerciale - Pas de Modification 4.0 International, à la condition expresse de citer l’institution de conservation et l'identifiant de la ressource comme suit : « Médiathèque Culturelle de la Corse, [identifiant de la ressource] ».

Citer ce document

Ange-Toussaint Pietrera , “Gian Paolo Borghetti”, Médiathèque Culturelle de la Corse et des Corses, consulté le 22 septembre 2021, https://m3c.univ-corse.fr/items/show/741.

Partager