Santu Casanova

Description

In st’ultimu terzu di XIXmu seculu, tempu dund'ella si more pianu pianu a cultura taliana in Corsica è di i ligami tessuti cù a penisula, Santu Casanova fù di modu accertatu unu di i primi à vulè fà una spiccanza di e duie lingue corsa è taliana, dendu à u corsu un primu versu d’una cuscenza ormai scritta. In u 1896 crea A Tramuntana, primu fogliu sanu sanu in lingua corsa. Settimanale puliticu è satericu attempu, serà stampatu senza rifiatu sin’à u 1914, mentre qualchì stampature dopu à a guerra.

A so prima opera cunisciuta hè La morte ed i funerali di Spanetto, scritta in talianu, induve si pò risente l’estru di u rigistru eroi comicu. Scrivanu rifinitu, a so musa u purterà facilmente versu a prosa (Primavera Corsa) o a puesia (Fiori di Cirnu) per sprimà ci a so visione di a sucetà corsa.

Riceve in u 1931 u gradu di "Chevalier de la Légion d’honneur".

In l’ultimi anni di a so vita è à l’ora di e mire irredentiste nant’à a Corsica, Santu Casanova si lascia piglià da a prupaganda fascista. Fattu cumandatore di a curona d’Italia, serà ancu ricevutu da u Duce. 

Riferenze bibliugrafiche:

La morte ed i funerali di Spanetto, Bastia, Ollagnier, 1892.

Primavera Corsa, Bastia, Cordier, 1927.

Fiori di Cirnu, Bastia, Da l’Autore, 1930.  

Auteur

Ange-Toussaint Pietrera

Date

(Azzana, 1850 – Livornu, 1936)

Licence

Licence Creative Commons
Cette œuvre est mise à disposition selon les termes de la Licence Creative Commons Attribution - Pas d'Utilisation Commerciale - Pas de Modification 4.0 International, à la condition expresse de citer l’institution de conservation et l'identifiant de la ressource comme suit : « Médiathèque Culturelle de la Corse, [identifiant de la ressource] ».

Citer ce document

Ange-Toussaint Pietrera, “Santu Casanova ”, Médiathèque Culturelle de la Corse et des Corses, consulté le 22 septembre 2021, https://m3c.univ-corse.fr/items/show/711.

Partager