Ghjacumu Fusina

Description

Ghjacumu Fusina nasce u primu di dicembre 1940 in l’Ortale d’Alisgiani, paese di issa Castagniccia, veculu di tanti pueti. Ghjè in u so paese nativu chì ellu và à a scola ghjustu dopu à a guerra. Hè una zitellina sebbiata. Da permette à Ghjacumu è à a surelluccia di cuntinuà i studii, i genitori sceglienu di campà in Cervioni, paisone chì supraneghja u Tirreniu. Zitellone astutu, à Ghjacumu li tocca à andà internu à u liceu di Bastia. Quindi, ebbe à Simon Ghjuvanni Vinciguerra, à Farrandu Ettori è à Marie-Jean Vinciguerra cum’è prufessori. Chjappu u bascigliè è, in u 1960, un diploma di « propédeutique lettres », franca u mare è si ne và pè isse Francie à fà u maestru di scola. Cun ellu, ci hè Monique, maestra ancu ella, è Thierry, u figliolu chjucu. Ghjacumu Fusina inizia tandu un’opera literaria di primura. Philippe Soupault è Eugène Guillevic rimarcanu e qualità di u giovanu Corsu chì diventa à pocu à pocu una riferenza in a puesia francese. Per u più, Ghjacumu Fusina ind’è  Diventa     in lingua francese. Dopu à avè participatu à a mossa di maghju 1968, li stuzzica l’idea di u vultà in Corsica. Scrittore di nomina alta, pueta di prima trinca, Ghjacumu s’impegna ind’è u Riacquistu.  Hè unu di quelli chì participeghja à a creazione di a rivista Rigiru. E so puesie venenu messe in musica è cantate da Canta u populu corsu, I Muvrini, A Filetta… Ghjacumu Fusina hè prufessore emeritu di l’Università di Corsica. 

Auteur

Eugène F.-X. Gherardi

Source

Extraits de l'entretien filmé du 21 mai 2012

Date

21 mai 2012

Contributeur

Médiathèque Culturelle de la Corse et des Corses

Licence

Licence Creative Commons
Cette œuvre est mise à disposition selon les termes de la Licence Creative Commons Attribution - Pas d'Utilisation Commerciale - Pas de Modification 4.0 International, à la condition expresse de citer l’institution de conservation et l'identifiant de la ressource comme suit : « Médiathèque Culturelle de la Corse, [identifiant de la ressource] ».

Langue

français, corse

Localisation

Corse

Période

20ème siècle

Ayants droit

Droits négociés

Mots-clés

Citer ce document

Eugène F.-X. Gherardi, “Ghjacumu Fusina”, Médiathèque Culturelle de la Corse et des Corses, consulté le 27 octobre 2021, https://m3c.univ-corse.fr/items/show/112.

Partager