Recherche utilisant ce type de requête :



Recherche seulement sur ces types d'enregistrements :

Contenu
Collection
exposition
Page de l'exposition
Simple Page

Recherche avancée (contenus seulement)

Ghjacumu Santu Versini

Titre

Ghjacumu Santu Versini

Description

Ghjacumu Santu Versini hè di u paese di Marignana, in u rughjonu di u Sevi in dentru, una terra chì dete tanti è tanti pueti à a Corsica cum’è Saveriu Paoli, Dumenicantone Versini, Marcellu Alessandri o puru Dumenicantone Geronimi. Stitutore in u so paese nativu, l’autore fù dinù u fundatore di Cyrnos-revue in lu 1911 ch’ellu diresse parechji anni, po cullaburò à u ghjurnale aiaccinu L’Eveil de la Corse à a fine di a so vita, in lu 1921, chì ci dete scritti in prosa è in versi cù a firma di Buscagliolu, u so cugnome. Trova omu in a so opera una scrittura delicata assai capace à dì u mondu cù una sensibilità ricercata cum’è ind’è a so puesia «  M’innamoru ».

Ma Ghjacumu Santu Versini fù sopratuttu u creatore, cù Saveriu Paoli, di a rivista A Cispra chì escerà una volta sola di marzu 1914 chì schjattò a guerra subitu dopu. Però, s’accorge omu chì puru u titulu di sta rivista ne disse assai nantu à u cuntenutu di u so prugramma è a so indiatura. A Cispra fù a prima rivista à dì chì u prublema di a Corsica ùn si pudia scioglie senza una soluzione pulitica. Ne ferma cunnisciutu oghje u so motu famosu : « A Corsica ùn hè micca un dipartimentu francese, hè una nazione vinta chì hà da rinasce ». Ma fora di stu cuntentu propiu puliticu ci si trova una produzzione literaria di prima trinca. A publicazione ferma oramai emblematica di u riacquistu literariu di u principiu di u XXu seculu. À puntu, volse creà a rivista una Pléiade di pueti corsi, puru s’ella ùn pobbe sbuccà per via di a guerra.  

Primurosu di l’avvene di a lingua corsa, l’autore fù ancu salutatu da L’Annu Corsu in lu 1924 per u so impegnu in quantu à a prumuzione di a lingua. 

Créateur

Julian Mattei

Date

(Marignana, 1867- Aiacciu, 1922)

Geolocation

Item Relations

This item has no relations.

Social Bookmarking